محترم حضرت حکیم صاحب السلام علیکم!گزارش ہے کہ بندہ نے ایک معمولی سی کاوش بعنوان راہ نجات و مشکلات کی خصوصی عبارت ہدیہ قارئین اکرام کی خدمت میں پیش ہے۔ درج ذیل عمل آپ ہر جمعہ کو کرسکتے ہیں مگر خاص الخاص فوائد پانے کیلئے اگر اسے ہر سال جمعۃ الوداع کے دن پڑھیں تو مزید فوائد پائیں گے۔طریقہ وظیفہ:بعداز نماز جمعہ سے فارغ ہوکر یعنی سنتیں اور نوافل پڑھ کر چار رکعت نماز نفل کی نیت کریں‘ تکبیر تحریمہ کے بعد ثناء پڑھیں پھر تعوذپڑھیں‘ پھر تسمیہ پڑھیں ‘ پھر سورۂ فاتحہ پڑھیں آمین کے بعد تسمیہ پڑھ کر سات دفعہ بمعہ تسمیہ آیۃ الکرسی پڑھیں پھر بمعہ تسمیہ پندرہ دفعہ سورۂ کوثر پڑھیں‘ پھر رکوع کریں لیکن رکوع اور دونوں سجدوں میں تسبیحات گیارہ گیارہ دفعہ پڑھیں۔ اسی طرح چاروں رکعتیں ادا کریں بعد از سلام کے تسلی سے بیٹھ کر سورۂ فاتحہ دس دفعہ آیۃ الکرسی دس دفعہ‘ سورۂ کافرون دس مرتبہ‘ سورۂ اخلاص دس مرتبہ‘ سورۂ فلق دس مرتبہ‘ سورۂ ناس دس مرتبہ پڑھیں۔ سورۂ معوذتین یعنی فلق اور ناس درمیان میں بغیر بسم اللہ کے پڑھیں۔ بعداز فراغت وظیفہ کے سجدہ میں سر رکھ کر سو مرتبہ پڑھیں پھر بیٹھ کر سو مرتبہ   پڑھیں پھر سجدہ میں سو مرتبہ آیت کریمہ پڑھیں پھربیٹھ کر سو مرتبہ درود شریف کوئی سا بھی پڑھیں اس کے بعد آپ دعا یوں کیجئے گا کہ پہلے آپ دعا کیلئے ہاتھ اٹھا کر ثناء پڑھیں پھر کلمہ سوئم کا پہلا حصہ پڑھیں پھر چوتھا کلمہ پڑھیں پھر درود شریف اور اپنی دلی مراد کیلئے دعا کریں‘ انشاء اللہ پڑھنے والے پر دوزخ حرام اور جنت واجب ہوجائے گی۔ رزق میں سارا سال فراوانی ہوگی۔ نیز یہ عمل کرنے سے آپ کسی کو درد سر کیلئے دم کرسکتے ہیں۔ کوئی بھی درد سر کا مریض آئے تو آپ اس کی پیشانی کی کھال کو انگوٹھے اور دوسری انگلیوں سے خوب دبائیں یعنی چٹکی جیسی بھریں اور ساتھ میں سورۂ فاتحہ بھی پڑھیں اور دم کریں اسی طرح تین دفعہ سورۂ فاتحہ پڑھ کر دم کریں آخر میں آپ اپنا لعاب دہن مریض کی پیشانی پر لگائیں‘ انشاء اللہ درد سر فوری جاتا رہے گا۔(حاجی مہتاب حسین دہلوی‘ نوشہرہ کینٹ)